जल तथा मौसम विज्ञान विभागको पछिल्लो पूर्वानुमान अनुसार आज बुधबार देशभर कुनै ठूलो मौसमीय प्रणाली सक्रिय नभएकाले अधिकांश क्षेत्रमा हावाहुरी, भारी वर्षा वा अन्य जोखिमयुक्त मौसमीय गतिविधि नदेखिएको उल्लेख गरेको छ। आज बुधबार उपत्यकामा मौसम सामान्य रहनेछ। बिहान हल्का चिसो महसुस भए पनि दिउँसो तापक्रम बिस्तारै बढ्दै करिब २१ डिग्री सेल्सियस सम्म पुग्ने अनुमान गरिएको छ। रातपख तापक्रम घट्दै ७ डिग्री सम्म झर्ने विभागले जनाएको छ।

भोलि बिहीबार पनि मौसम स्थिर रहने विभागले जनाएको छ। बिहान हल्का चिसो वातावरण रहे पनि दिउँसो तापक्रम बढ्दै २२ डिग्री सेल्सियस सम्म पुग्नेछ भने राति करिब ८ डिग्री रहनेछ। विभागका अनुसार अहिले कुनै ठूलो मौसमीय जोखिम नदेखिएकोले उपत्यकामा यात्रु, विद्यार्थी तथा कार्यालय जाने सबैका लागि दुवै दिन मौसम अनुकूल रहने अनुमान गरिएको छ।

यसैगरी भोली बिहीबारका लागि पनि स्थिर र सामान्य मौसम रहने अनुमान गरेको छ। केही पहाडी तथा उच्च हिमाली क्षेत्रमा हल्का बदली देखिन सक्ने भए पनि यसको प्रभाव उपत्यकामा नपर्ने विभागको भनाइ छ। विभागले आज र भोली मौसम स्थिर, सुरक्षित र दैनिक कार्यक्रमका लागि उपयुक्त रहने संकेत गरेको छ।