परिवर्तन सेवा प्रा.ली फोहोर व्यवस्थापन गर्ने एक कम्पनीको नाम हो । यस कम्पनीले तँपाइ हामीले फालेको सडक होस या घर-घरको फोहोर व्यवस्थापन गर्ने काम गर्छ । यसका सन्चालक मित्र प्रसाद घिमिरे हुन् । फोहोर व्यवस्थापन गर्ने सिसडोल ल्याण्डफिलको आयु सकिएको करिब ११ बर्ष भइसकेको छ । हालसालैै ल्याण्डफिल साइडमा फोहोर प्रभावित स्थानियहरुले विभिन्न सर्त राखि अबरोध गर्दै ल्याण्डफिल नै बन्द गरेका छन् । त्यस कारण फोहोर व्यवस्थापन गर्नका लागि निजी कम्पनीहरुलाई मुस्किल परिरहेको छ । यस्तो अवस्थामा फोहोर उत्पादक आफैले उच्च व्यवस्थापन गर्न र फोहोर जथाभावि नफयाक्न परिवर्तन सेवा प्रालीले एक अपिल जारी गरेको छ ।