नयाँ बर्षको सुरुवाती कारोबारबाटै बढ्न थालेको सेयर बजारले छठौ कारोबार दिन पनि निरन्तरता पाएको छ । आइतबार नेप्से सूचक ५० अंकले बढ्दा एक अर्ब २३ करोड बढीको सेयर किनबेच भयो । वैशाख महिना लागेपछि तेस्रो पटक नेप्सेमा अर्ब बढीको कारोबार भएको हो ।

१६७ कम्पनीको कारोबार भएको बजारमा झण्डै दुईदर्जन कम्पनीको सेयरमूल्य नौ प्रतिशत बढीले उकालो लागेको छ । समै समूहका सूचक सकारात्मक रहदा बजारमा उछाल आएको हो।

नयाँबर्ष लागे यता सेयरबजार झण्डै १६० अंकले उकालो लागेको छ । निरन्तर बढेको सेयरबजारमा कारोबार रकमले समेत साथ दिएको छ । यहि महिनामा मात्रै सेयरबजारमा तेस्रो पटक अर्ब बढीको कारोबार भएको हो ।

अरुण काबेली पावर, एनएमबि माइक्रोफाइनान्स वित्तीय संस्था, राष्ट्रिय बीमा कम्पनी र राष्ट्रिय बीमा कम्पनीको प्रमोटर शेयरको मूल्य दश प्रतिशतले बढेको छ ।राधी हाइडोपावर डेभलपमेन्ट र न्यादी गुप्र पावर रहेको सेयरमूल्य सबैभन्दा धेरै घटेको छ । उच्च कारोबार गर्ने कम्पनीमा कुमारी बैंक अग्रपक्तिमा रहेको छ ।

@merolagani.com