एक घर एक शौचालय भन्ने नाराका साथ सुरु गरिएको खुला दिसा मुक्त क्षेत्र घोषणा गर्ने अभियानको जिल्ला गत रुपमा भने हाल सम्म ४३ जिल्लालाई औपचारिक रुपमा खुला दिसा मुक्त जिल्ला घोषणा गरि सकिएको छ भने अव ३२ जिल्ला घोषणा हुन वाँकी छन् ।

अभियान सुरु भएपछि सवै भन्दा पहिले कास्की जिल्लालाई खुल्ला दिसा मुक्त जिल्ला घोषणा गरिएको थियो भने पछिल्लो हुम्ला जिल्लालाई घोषणा गरिएको छ । भने वाँकी रहेका जिल्लाहरुमा पनि तीव्र रुपमा काम भईरहेको खानेपानी तथा ढल निकास विभाग वातावरणीय सरसफाई आयोजना शाखाका प्रमुख प्रेमकृष्ण श्रेष्ठ वताउनुहुन्छ । श्रेष्ठका अनुसार मुलुकभर रहेका ५५लाख २२हजार ५३१ घर धुरी मध्ये २लाख ८८हजार घरधुरीमा मात्र शौचालय निर्माण गर्न वाँकी रहेको छ । यद्यपी ती घरधुरीहरुमा पनि शौचालय निर्माण कार्य भइरहेको छ ।

जिल्लागत रुपमा हेर्दा घोषणा हुन वाँकी भएका जिल्लाका संख्याहरु वढी रहेको देखिए पनि शौचालय निर्माण हिसावले आशातीत प्रगति भएको छ । अव वाँकी रहेका शौचालय निर्माण कार्य पनि छिटै नै हुने र मुलुकलाई छिटो भन्दा छिटो खुला दिसामुक्त घोषणा गरिने श्रेष्ठको भनाई छ ।

त्यसो त खुला दिसामुक्त जिल्ला घोषणाको लागि अत्यन्त चुनौतिपुर्ण रुपमा हेरिएको तराईका जिल्लाहरुलाई लिइए पनि राजधानी कै जिल्लाहरु पनि कम चुनौतिपुर्ण भने छैनन् । यद्यपी तोकिएकै समयमा मुलुकलाई खुला दिसा मुक्त वनाउने पर्याप्त समय थियो । दुर्भाग्य, तराईका जिल्लाहरुमा गत साउनमा गएको वाढीका कारण पुगेको क्षति पुर्याउँदा कार्यमा अवरोध पुग्न गयो । त्यस्तै पछिल्लो समयमा मुलुकमा परिवर्तनका लागि भएका तीन तहका चुनावहरुले पनि शौचालय निर्माण कार्यमा गतिरोध भएको थियो ।